Plantun de Prouvènço

Pèr coumpara dos planto d'encò nostre

Caltha palustris & Silene cordifolia

Gauche-d'aigo

Caltha palustris

Ranunculaceae

Àutri noum : Gauchet-d'aigo, Peirouleto, Bescuchèu, Erbo-dóu-marfoundemen.

Noms en français : Populage des marais, Caltha des marais.

Descripcioun :
Au nostre, lou gauche-d'aigo se vèi soulamen en mountagno que i'agrado lis endré fres e bagna. Douno un pau d'èr à l'auriheto, Ficaria verna, emé si flour jauno, pamens li fueio soun eici redouno, en couor à la baso, ço qu'a douna li noum de peirouleto (pichot peiròu) e de bescuchèu (pichot bescue).

Usanço :
La planto caup, coume lis àutris Ranunculaceae, de proutou-anemounino, pamens li jóuini fueio e flour podon èstre manjado. Autramen fau faire couire mant'un cop la planto o la faire seca. Èi counseiado pèr lucha contro lou mau d'os. Èi peréu sudourifico (erbo-dóu-marfoundamen), antispasmoudico e sedativo. Fretado sus la pèu levo la doulour e fai veni rouge (rubeficanto).

Port : Erbo
Taio : 15 à 60 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Caltha
Famiho : Ranunculaceae

Ordre : Ranunculales

Coulour de la flour : Jauno
Petalo : >6
Ø (o loungour) flour : 2 à 4 Cm
Flourido : Printems - Estiéu

Sòu : Ca
Autour basso e auto : 800 à 2300 m
Aparado : Noun
Abriéu à juliet

Liò : Riéu - Prado umido - Palun - Sourgènt
Estànci : Coulinen à Subaupen
Couroulougi : Bourealo
Ref. sc. : Caltha palustris L., 1753

Empeganto(-di-fueio-en-couor)

Silene cordifolia

Caryophyllaceae

Nom en français : Silène à feuilles en cœur.

Descripcioun :
Aquesto empeganto trachis en mato basso dins li roucas e esboudèu séusous dis Aup marino. Es uno planto endemico proutejido sus listo roujo, catégourìo LC, es à dire soucit minour. La planto èi bourrihudo e pegouso d'en pertout. Se recounèis à si fueio óupousado en couor e à si flour blanco o un pau roso di petalo en lengo de serp.

Usanço :
Tant se poudrié que li jóuini fueio siguèsson manjadisso coume d'ùnis empeganto.

Port : Erbo
Taio : 10 à 20 cm
Fueio : basalo
Tipe bioulougico : Emicriptoufite
Cicle bioulougico : Planto renadivo

Gènre : Silene
Famiho : Caryophyllaceae

Ordre : Caryophyllales

Coulour de la flour : Blanco
Petalo : 5
Ø (o loungour) flour : 1 à 1,5 cm
Flourido : Printèms - Estiéu

Sòu : Si
Autour basso e auto : 1200 à 2800 m
Aparado : Noun
Remarco : Endemico dis Aup marino
Jun à avoust

Liò : Roucas - Baus
Estànci : Subaupen à Aupen
Couroulougi : Ouroufito-Aupenco-Sud-Ouèst
Ref. sc. : Silene cordifolia All., 1785

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Caltha palustris & Silene cordifolia

ges

Coumpara Gauche-d'aigo emé uno autro planto

Coumpara Empeganto(-di-fueio-en-couor) emé uno autro planto